SUN搞作：Sun官場現形記：道歉偽術
等足海事處長波叔八個月，海難家屬終於等到一個鞠躬道歉。之但係波叔又講錯嘢，話之前要考慮呢樣嗰樣，仲話因為諮詢法律意見，先至醞釀八個月嘅「同感」、「歉意」，再一舉say sorry。李衞心知波叔為人好波，道歉同踢波，都係好「玄」o架……
波叔：唏！哈！
李衞：嘩！波叔你好腳法，扭兩下就過晒中場！
波叔：梗係，唔好睇小我！
李衞：勁！後衞想掂吓你衫尾都唔得！
波叔：哼，睇嘢啦！我叱！
李衞：好強嘅氣場！唔通要使出波叔你嘅成名絕技？
波叔：睇住啦！衝！力！射……
李衞：戴志偉上身？好緊張！
波叔：唔好走漏眼！衝！力……
李衞：咦，仲唔射嘅？
波叔：邊度係呢？睇實喇！衝……
李衞：夠喇喂，你喺個龍門前面搓完未呀？
波叔：我諗住拉弓拉耐啲，就可以射個靚波畀人咋！
李衞：＠％＠＄＃＆！
作者：李衞
