周一鑊發表「同志與生俱來論」又孭鑊！對唔住，雖然嚴格上唔係新聞，講唔出咩大道理，但係李衞就覺得非常之有親切感。卒之李衞去八一八，點知八到呢項周一鑊主義思想理論，原來係「宇宙真理」！

周一鑊：能力傾向，都係與生俱來嘅！

鑊評人：你啱！就好似啲膠官咁！

周一鑊：咁人人能力唔同，我哋好應該包容佢！

鑊評人：你啱！就好似啲膠官咁！

周一鑊：雖然一個人講嘢無Point，但係都有發噏風嘅平等機會！

鑊評人：你啱！就好似啲膠官咁！

周一鑊：如果期望天生嘅嘢可以改變，係無咩可能嘅！

鑊評人：你啱！就好似啲膠官咁！

周一鑊：其實好少人好似你咁撐我，真係多謝晒！

鑊評人：唔係撐你，係你講得好啱！你呢啲孭住個鑊出世嘅，都係與生俱來，無得變o架！

作者：李衞

第一手消息請下載on.cc東方互動iPhone/iPad/Android/Windows Phone Apps