政壇：搞搞政：新界東北發展 泛民演反對騷
設計圖片及對白
新界東北發展計劃（計劃）爭議不絕，八名立法會議員尋日落區視察，五個鐘睇咗八個地方，沿途有正、反兩面嘅聲音，但泛民議員卻冇人接收支持發展計劃嘅市民意見書，當選之後，一再主攻反新界東北發展嘅范國威立場強硬，同其他泛民議員齊齊批評政府做唔夠諮詢，又要求撤回計劃，泛民議員不時質問出席嘅發展局及規劃署官員，點解要發展新界東北，好似尋日嘅落區係反對騷咁。
設計圖片及對白
今次落區嘅八名議員包括陳志全、劉慧卿、梁家傑、范國威等，佢哋頭幾站聽咗反對計劃嘅市民意見，正當大家準備前往較多支持者嘅打鼓嶺鄉事委員會時，班泛民議員突然話有要事趕住走，腰斬呢段行程，上水鄉事派人士投訴佢哋偏聽，咁叫民主咩﹖
