人生難免有錯,香港大學校長徐立之尋日擔任培僑書院畢業禮嘅嘉賓,藉此向畢業同學贈錦囊、分享當年喺多倫多尋找基因嘅一個小故事。廿幾年前,徐校長喺加拿大做緊基因研究工作,當時各個實驗室團隊可以話係競爭激烈,大家都設法鬥快搵出基因圖譜。

當時有個實驗室團隊發現一個基因,後來發現有錯,本來可側側膊唔出聲,但嗰個團隊最後都選擇承認錯誤,徐立之就喺呢件事兩年後成功斷定咗囊狀纖維症嘅缺陷基因。佢話當時資訊科技冇咁發達,要欺騙其他人係一件好容易嘅事,但佢更佩服有關團隊肯認錯嘅勇氣。

第一手消息請下載on.cc東方互動iPhone/iPad/Android/Windows Phone Apps