政壇：田二少嫁女名人冒雨祝賀
田植鏘（左三）與男友許建邦（左四）拉埋天窗，田北辰夫婦（左二及一）與親家（右一及二）喜上眉梢。
立法會議員田北辰（田二少）三女田植鏘（Lavina）尋日披上嫁衣，與金融才俊許建邦（Jonathan）拉埋天窗，一對新人早上於中環聖約翰座堂行禮，夜晚再到尖沙咀洲際酒店設宴。
田植鏘（左三）與男友許建邦（左四）拉埋天窗，田北辰夫婦（左二及一）與親家（右一及二）喜上眉梢。
霍啟剛（右）同太太郭晶晶恩愛到賀，啟剛話會接受大家祝福。
晶晶傳懷孕 啟剛接受恭喜
喜事遇着黃色暴雨，仍無阻一眾高官及政商界名人冒雨到賀，田二少話，呢粒女同佢最親，佢經常捱夜睇文件，Lavina都係夜貓族，所以兩父女不時食消夜打牙骹。問佢急唔急抱孫？佢就話唔使催，囡囡結婚都係為咗生ＢＢ啫！
屢傳有孕嘅霍家新抱郭晶晶尋日都冒雨現身，佢着住鬆身衫拖實老公霍啟剛入場，記者恭喜佢哋時，啟剛對太太懷孕傳聞不置可否，只係笑住回應：「不如咁講，我哋會接受你哋嘅恭喜同祝福！」咁講似係默認其事喎。發展局局長陳茂波、政制及內地事務局局長譚志源、勞工及福利局局長張建宗、前教統局局長李國章等尋日都有觀禮。
