香港無綫電視台以「歷屆最高價」重奪世界盃所有播放權，「免費」播放二十二場賽事，牌面係益香港觀眾，實則係點？一間以極高薪養咗成棚伙記的商業機構，怎會做「唔賺錢」的蝕本生意？咁多高級謀臣，點會死錯人？

喺香港政府「準備」、「考慮」、「研究」批發新免費電視牌照期間，各方involve入呢個爭食戰場的鬥士，必定使出渾身解數討好廣大市民之餘，亦畀弱小政府壓力，這是市場策略，而非優惠，更唔係福利。

世上無免費午餐o架！老細！

今天，香港分化嚴重。嗱！不再講政治咁頭痕的事，亦唔講經濟咁悲情嘅嘢，簡簡單單，討論吓香港的智商吧。

有大批香港人成Q日自認好很叻，我信o架！但卻見一群又一群的「香港人」湧去老尖影黃膠鴨，更見一班又一班家長要求陪讀大學的子女去interview，包括入學試或北上實習交流，咁都算罷啦！最失常的，還是有人寫信去廣管局投訴電視台的劇集內容「好深」，睇唔明喎！

一個社會的「持份者」反智到如斯地步，我哋應該失笑嗎？老老實實，作為「愛港」的一個「本土人」，想喊都嚟唔切啦！

聽電台「烽煙」節目，老化得令人吃驚，一堆一堆比垃圾更垃圾的來言，不知就裏，以為自己「回到舊時」，定係去咗「瘋人院」。

今時今日，竟仲有話「畀機會佢哋做嘢啦！否則點知佢哋做唔掂呢？」吓！十個月的醜聞，仲未夠？

再講多一次，世上唔止無免費午餐，早餐晚餐消夜都無的！咪傻啦！老細！

彭志銘

次文化考古學家，對城中潮語有深入研究，博徵博引，廢官廢人行埋一邊。

歡迎add我facebook一齊(目及)實政府

第一手消息請下載on.cc東方互動iPhone/iPad/Android/Windows Phone Apps