SUN搞作：Sun官場現形記：兩個老Guy去老街
貪湯貪曾冇嘢叻，最叻飲飲食食嘥公帑。根據貪湯《腦殘遊記》所載，雙貪有晚暢飲公帑買的茅台，貪湯腳步浮浮call咗「出租車」夜蒲，體驗上海文化之旅，「師傅！上海……老……街……」！
貪 湯﹕夜上海，夜上海，你是個不夜城~~
貪 曾﹕喂，做乜你咁好唱口？
貪 湯﹕難得又用公帑「公幹」住酒店，梗係疏肝。
貪 曾﹕你睇上海幾咁現代化，睇嚟就快追過香港喇！
貪 湯﹕全靠你佗衰香港，上海梗係追得過香港啦！
貪 曾﹕你都功不可沒啫。
貪 湯﹕唔好講啲衰嘢，今晚實行上海「文化」之旅。
貪 曾﹕嘻嘻，我哋都有文化？
貪 湯﹕「文化」有好多種……
貪 曾﹕會唔會畀公安拉o架？
貪 湯﹕放心，我一早送咗禮，擦晒內地鞋……
警 察﹕差人查牌！男左女右！
貪 湯﹕貪曾，乜玩制服誘惑咁surprise呀？
警 察﹕醉貓你醒未呀？呢度係香港呀！
貪 湯﹕唔係上海老街咩？
警 察﹕上海老街？上海街呀呢度係，着番衫啦懵炳！
曾 湯﹕嗚嗚，老街老街，趴你個街……
作者：李衞
