政壇：政商定格：傑青余嫿盼成制服天后
余嫿希望能夠喺香港制服設計界中開創先河。
菁英會嘅十大傑青兼著名時裝設計師Mary余嫿最近寓興趣於慈善，致力為各慈善機構及商會設計制服、會服，一於將老土化為時尚。佢笑言，期望能夠成為新一代「制服天后」，協助提升本港服務業嘅形象，又希望立法會加設一個設計界功能界別議席，代設計業界發聲。
余嫿希望能夠喺香港制服設計界中開創先河。
員工穿上余嫿設計嘅制服。（受訪者提供）
Mary對制服設計產生興趣，源於一次接到某商戶嘅訂單，希望為旗下員工設計制服。後來員工對佢嘅設計讚不絕口，着得不知幾開心，令佢感到鼓舞，至今已為逾十個品牌設計制服。佢話設計制服不會比時裝容易，要靚之餘，更要考慮制服嘅工種及功能：「設計畀食品公司員工嘅制服，選用嘅物料要夠耐用。」。
