政壇:政商定格:盧偉國訪川視察地震災區
盧偉國分享赴四川雅安同蘆山嘅地震災情。
政府早前要求立法會財委會撥款一億,等四川雅安可災後重建,但就引起外界猜測款項係咪真係可全數落到災民手上。為咗澄清外界對內地救災工作嘅誤解,工程界議員WK盧偉國同工程師學會會長蔡健權就喺剛過去嘅佛誕到訪雅安同蘆山,視察學校同醫院喺地震中受破壞程度。
盧偉國分享赴四川雅安同蘆山嘅地震災情。
喺兩日嘅參觀行程中,WK話睇過幾十幢建築物,雖然部分樓房批盪脫落,間隔牆亦都有破損,但主體結構仍然完好無缺,證明建築物嘅強韌程序足以抵禦七級大地震。佢又話當地政府興建咗唔少設施安置災民,學校亦都因為損毀程度不大而迅速復課,認為香港政府早前出資四億元援建係物有所值。
早前有傳媒揭發一所由本港援建嘅學校結構有偷工減料,WK就話學校磚牆嘅發泡膠係建築工人加上嘅保溫層,絕非豆腐渣工程。