SUN搞作：Sun官場現形記：忍到眼濕濕
尋日貪湯終於企出嚟接受質詢，點知見記者嗰陣一度硬咽！李衞見到咁嘅情況，跟住貪官返屋企，偷聽到以下嘅對話……
女友：Baby你無事嘛？點解返到屋企都仲係眼濕濕？
貪湯：（哽咽狀）呀……「成擔」咁多嘢，我忍唔住喇！
女友：承擔？佢哋要你承擔啲乜？我斟杯酒畀你醒吓神先啦！
貪湯：（哽咽狀）唔好喇。我……我唔可以再飲喇！
女友：見到你咁嘅樣，心痛死我喇！我哋喺屋企飲酒無人知o架！
貪湯：（哽咽狀）唔係唔係，我飲唔起喇，唔再飲喇！
女友：Baby，難道佢哋要你「埋番晒」你之前開過嘅所有單？
貪湯：（哽咽狀）錯喇，呢個問題好簡單，但我個人依家「好複雜」……
女友：（擔心狀）Baby你唔好嚇我呀！
貪湯：（哽咽狀）實情係我今朝將支82年茅台溝咗紅酒一齊飲，個肚痛咗成日，有「成擔」咁多嘢要排出嚟……
女友：dfidg*($&#%(%(!
作者：李衞
