又到畢業季節，立法會議員單仲偕（單雞）兩個囝囝近日分別大學同中學畢業，佢喺美國喬治華盛頓大學環球商務及金融系嘅大仔單子曦前日舉行畢業禮，單雞同太太專登飛過去，佢充當攝影師幫戴住四方帽嘅子曦周圍影相，仲將照片急不及待上載到社交網站添。單仲偕仲話因大仔畢業好開心，而同樣喺波士頓讀中學嘅細仔今次亦特登飛去華盛頓恭賀。
