政壇：復旦頒銜徐立之圓母心願
徐立之
香港大學校長徐立之前日獲上海復旦大學頒授名譽博士學位，佢喺典禮上致辭時，大爆媽咪曾經係復旦學生，但為咗愛情而無法繼續學業，事後非常後悔。佢笑稱，今次回到「老家」並獲頒發榮譽，總算為媽咪完成個心願喎。
徐立之
身為遺傳學家嘅徐立之講得一口流利廣東話，但其實佢係喺上海出生，後來跟隨父母來港落地生根，先後取得中文大學學士及碩士學位，以及美國匹茲堡大學哲學博士。今次徐立之獲得復旦大學名譽博士學位，係為咗表揚佢喺人類基因組研究領域作出嘅貢獻。
