政壇：政商定格：鄧宣宏雁入同鄉會尋根
鄧宣宏雁好開心「回歸」雲南同鄉會大家庭。
來自雲南嘅太子珠寶鐘錶執董Emily鄧宣宏雁，最近亦加入雲南旅港同鄉會，並且出任名譽會長。佢笑笑口話嚟咗香港十一年，一直埋頭相夫教子，兩年前至出番嚟做嘢，亦唔為意要喺香港搵鄉里，直至有日好友兼愛沙尼亞共和國駐港名譽領事林建康提起，佢至認真尋根，終於順利「回歸」。
鄧宣宏雁好開心「回歸」雲南同鄉會大家庭。
Emily好雀躍話加入同鄉會後先知香港竟然有超過四萬名雲南籍人士，見到同聲同氣嘅鄉里，開心到極，好多仲係幫襯佢公司二十幾年嘅熟客，包括知名嘅伍氏家族，以後可以多啲促進雲港兩地嘅交流。
近期鐘錶市道吹淡風，但佢公司仍開新舖，員工忙到不得了。不過，佢報喜話鄧家二公子Arthur即將畢業返港，屆時就多一名「太子」返公司幫手喇！
