一隻膠黃鴨，毫無特色，只不過是樁商業活動，透過宣傳公關誇 大吹噓，便令這笪小農地區的所謂「公知」（大陸蝗蟲語，即「公共知識分子」的簡稱），以「離地詮釋學」，檢視脈絡文本框架的游走解構社會反智現象。有人更低能到認為這「大而無當」的「小鴨」係件藝術品，高品位（又係蝗蟲語，本是「品味」，過西九那Pat啡膠屎和紅燒膠豬。

「創作」呢隻膠鴨嘅荷蘭鬼佬Hofman對藝術的解讀，甚有見地，佢話，呢隻鴨仔樣貌平和可愛，置身喺唔同地方，融入環境，會有不同化學效果，例如，將鴨仔放喺殘暴極權、人們不快樂的國度裏，就能彰顯自由的可貴！哦！收到！

若非此膠鴨唔係漏氣摺埋，成Pat「扁皮鴨」咁「浮屍」維港，本欄亦無興趣「人講我又講」，反正，「膠噏」膠鴨的「文化定見」，大把三流公知做緊啦！但用番Holland art鬼的理論光譜，鴨仔去到邊度，就會反映邊度的文化本質。今劑，黃膠鴨明明係內傷漏氣，救無可救，否則，怎會成Pat垃圾咁丟人眼前咁肉酸吖？不過，此地經過十多個月假大空的語言偽術薰陶下，已成為一個愛說謊言、死不認皺的特區了！咪有人不斷死撐，一個大話冚一個大話囉！由「例行放氣檢查」，到「要趁天氣良好而作定期維修」，由「數小時後會重新泵氣」，到「最快要周末才能復出」……簡直切合香港亂咁「膠噏」的「港情」。

本來象徵青春可愛的小鴨，一下子變成死因不明，或公開唔得的「扁皮鴨」；充滿朝氣生機的小BB，是希望、是將來、呵呵……要在維港風騷不到兩星期便「客死異鄉」，你話呢度幾恐怖、幾危險呢？願佢快啲死而復生，企番起身吧！阿門！　

彭志銘

次文化考古學家，對城中潮語有深入研究，博徵博引，廢官廢人行埋一邊。

歡迎add我facebook一齊(目及)實政府

第一手消息請下載on.cc東方互動iPhone/iPad/Android/Windows Phone Apps