SUN搞作:Sun官場現形記:毒過H7N9
貪風極速傳播,已經傳到紀律部隊!紀律部隊酬酢開支大增,李衞同近排做咗國際紅人嘅保安局黎焗腸見面,一開口,話題都離唔開呢單嘢……
黎焗腸:叫咗你唔好飲咁多o架啦!
李衞:呀焗腸,你小心啲講嘢好喎!唔好將被人強姦嘅責任推畀受害者!
黎焗腸:我有話叫女仔唔好飲咁多咩?我叫我班手下呀!
李衞:吓!你班手下唔使做咩?日日有酒飲?
黎焗腸:殊!唔好咁大聲!我哋被迫嘥公帑o架!
李衞:嘥公帑?仲要話被迫?
黎焗腸:你有所不知喇,我哋全Team人都有病在身。
李衞:嘩,新沙士定禽流感呀?咁多人都中招,真係大鑊過周一鑊喎!
黎焗腸:咪就係貪湯病毒囉!要靠飲飲食食醫治,唔用公數開支靚茅台,都好難斷尾o架!惟有叫佢哋飲少啲啦!
李衞:&@#$*($!
作者:李衞