政情：政商定格：IT界才女獻琴技行善
雖然李煥明專注工作，但冇丟低彈琴呢項興趣。
原來IT界才女、Autodesk港澳區區域總監Wendy李煥明喺入行前，除兼職電視台嘅天氣小姐外，仲做過音樂製作人，後來仲入埋香港菁英會添！嚟緊佢會參與沙士十周年嘅籌款活動，客串彈奏電子琴，過吓手癮兼為慈善出分力。
雖然李煥明專注工作，但冇丟低彈琴呢項興趣。
Wendy話自小已喺校內合唱團負責鋼琴演奏，亦有參與舞台劇嘅演出。雖然依家踏入社會，但十隻手指從未生疏，仍不時參與唔同慈善音樂會嘅演出。舊年立法會選舉，佢就同老友、互聯網專業協會（iProA）會長洪為民合作，為IT業界作咗首主題曲，幫參選嘅譚偉豪做宣傳。
