葉澍堃夫婦（左一及左二）同班年輕人，向快將結婚嘅黃進達（左三）同陳婷婷（左四）飲杯祝賀。
馬會大董葉澍堃早前邀請班後生仔入馬場食飯，出席嘅特別嘉賓，係康泰旅行社總經理Jason黃進達，事關佢帶埋極少曝光、任職投資銀行嘅未婚妻Tania陳婷婷現身，仲講起將於九月拉埋天窗。
佢哋由年初就不停奔波，包括去韓國同泰國分別影咗一冷一熱嘅婚紗相。點解咁有創意？原來Tania鍾意韓國，但係Jason就喜歡陽光與海灘，所以咪大家辛苦啲，去晒兩個國家囉！問佢哋求婚過程係點？Jason笑稱係未婚妻向佢求婚喎，難得Tania聽罷冇唔高興，仲話一餐飯就搞掂。
第一手消息請下載on.cc東方互動
