SUN世代：畀錢員工出戰咖啡賽
「人唔係機器，唔可以叫班員工係咁做。」年僅二十六歲的梁迪倫，跟一班員工年紀相若，都是八十後，同聲同氣，「後生仔梗係想公司重視自己，睇到工作前景，先有動力做嘢。」
為擴闊員工眼界，梁迪倫曾科款為他們報名參加香港咖啡師大賽。去年七月，他又自掏腰包帶員工到台灣，跟咖啡名師林東源學習，「本來交咗三個人學費，諗住帶兩個同事去，加埋自己，後嚟有個同事話對沖咖啡有興趣，咪將我個位畀咗佢。」
重視員工，源於自身經歷。「十六歲喺樓上cafe打工嗰陣，老闆教識咗我多嘢，既然受過人哋恩惠，依家自己做老闆，都有責任培訓番人哋。」今天，他誓要將前人的恩情傳承下去，正如他的店名「牧羊少年」一樣，充當領羊者，帶領一班年輕員工不斷前進。
