今天香港亂象叢生的研究，真足以寫一本百萬大字的巨著。

嚴肅的研究，應先從歷史脈絡入手。回歸後所言的「港人治港」，可見由懵懂笨拙到貪婪縮骨，至今的謊偽無能，一代不如一代（代是朝代的「代」，不是spring bag的「袋」呀！），這是遠因累積的禍端。

近因，有說是前朝遺下的積弱，令現屆先天「弱勢」喎！其實，無誠信愛廢噏才是死因。君不見那群巖巉騎呢貌的政府高層，真係可以重拍粵語片《七十二家房客》或《七擒七縱七色狼》，包保唔使化妝，比矮冬瓜、周吉、張生、鄭君綿和高佬泉更猥瑣的麻甩佬都有！如狄娜般艷麗者就無嘞！但陰毒如梅綺、兇狠似黃曼梨的，則大有人在。呢棚樣貌出眾的「大內群英」，不特只影響市容、嚇親小孩，也令有料有質素的社會精英，心感恥與為伍，而不委身入局渾濁水啦！

我們不該以貌取人，不過，上述那棚政務茄喱啡，唔單止樣衰過人，連工作能力亦十分嚇人，低質反智到無朋友。無學養的去搞教育、有暴力傾向的地中海禿鷹去負責警力、做乜都孭鑊的每周一鑊也叫佢翻閹，可見無人到乜嘢地步。

由呢班騎呢怪管治一個全球獨一無二的荒誕特區，唔出事才奇怪？仲有，加上這兒的亂象！全是這群奴才自己搞出來的禍；大事做不了，便熬出大鑊嘢，一波未平一波又起，總之，愈搞愈禍，愈禍愈亂，愈亂愈多，愈多就愈搞……

問題之複雜，已非那班大話精廢柴所能承受的了，但卻由咱們市民來承擔，怎不大罵佢哋十八代？

彭志銘

次文化考古學家，對城中潮語有深入研究，博徵博引，廢官廢人行埋一邊。

歡迎add我facebook一齊（目及）實政府

第一手消息請下載on.cc東方互動iPhone/iPad/Android/Windows Phone Apps