太陽透視鏡:亂練硬氣功會內傷
一招筷子拮頸,問你驚唔驚?
心口碎大石、咬緊牙關拉車,喉嚨頂纓槍,全屬中國武術氣功。氣功分為硬氣功和軟氣功,前者用以強健肌肉和骨骼,對抗外來攻擊及增強自身防禦,後者則類似坐禪冥想的打坐方法。
一招筷子拮頸,問你驚唔驚?
「好多街頭表演,好似喉頂纓槍、碎石,都係用咗硬氣功。」香港發強體育總會教練譚定邦表示,硬氣功需要持久練習,並配合適當練功法門:「如果亂練,用錯氣就會有反效果,輕則造成表面損傷,重則可震傷內臟,變成內傷。」在眾多個門派中,少林寺的硬氣功最為出名。
香港浸會大學體育學系副教授雷雄德指,以生理學解釋,氣功是透過呼吸控制肌肉的運動,強化肌肉增強體力,達到碎石及頂槍的效果,但全部都要經過長期訓練。皮膚有拉扯力,故即使喉頂尖物,若位置適宜都不易損傷。