政壇：政商定格：李妮變身「手袋」密探
李妮細心研究手袋皮質、手挽設計、車工等，十足半個專家。
博愛醫院副主席Lily李妮平時就愛逛名店搜尋新獵物，有日傍晚就見佢喺金鐘太古廣場一支箭走入間意國名牌手袋店內，細心研究手袋皮質、手挽設計、車工等。揀咗十分鐘後，佢就轉場再睇另一間，足足逛咗七、八間名店，佢之所以咁勤力，並非為消磨時間，而係變身「手袋密探」，知己知彼了解行情。
李妮細心研究手袋皮質、手挽設計、車工等，十足半個專家。
原來Lily喺三個月前投資六位數字，同任職設計師嘅細佬李毅合力開設網上名牌手袋店。開業幾個月，吸引唔少名媛幫襯，亦遇上千奇百怪客人。佢話有個太太買手袋時不用多睇實物，反而「欽點」佢幫手揀，教埋點配襯；亦有太太對佢拎過嘅「二手袋」情有獨鍾，每次看見佢拎住某個手袋見報，就會致電佢話：「我想買你拎過嗰個袋」，佢嘅影響力認真大。
