政壇：政商定格：梁高美懿入利豐樂逍遙
梁高美懿同馮裕鈞現身利豐股東會。
利豐尋日開股東會，估唔到除咗現任主席馮國綸同總裁樂裕民有現身外，難得見到前任主席馮國經同兒子馮裕鈞同台列席，連非執董梁高美懿都有露面。
梁高美懿同馮裕鈞現身利豐股東會。
馮裕鈞
梁太上月起仲做埋利豐獨立非執董，佢喺會後話覺得利豐股東會都「Okay」，笑笑口話「無股東鬧」，睇嚟梁太入得利豐董事會，早已有心理準備，但尋日股東會整體氣氛真係好和諧。
全程只有一位股東發問，就係外界成日話利豐增長模式已改變，究竟係咪？問題直接，但難唔到馮國綸，佢好快就挺身「護航」，指公司業務趨向多元化，經營模式只是增加，並沒改變。成個會全權由馮國綸發言，台上眾位董事會成員都未見有任何交流，但相信馮裕鈞在旁偷師不少，而馮國經亦放心晒！
