政壇：唐唐否認買南澳莊園
尋日有一份英文報章報道，話全國政協常委唐唐近排深入澳洲釀酒區，喺南澳Barossa Valley斥資七千七百萬港元，截人胡買咗個面積約六百四十公頃、極富歷史價值嘅莊園Lyndsay Park。報道仲話，觀乎唐唐近日惹上麻煩，可能講緊間九龍塘巨宅僭建未解決啩，即使佢去外國另覓新生活，都唔會怪佢喎。
南華早報尋日一個專欄引述當地傳媒報道，話擁有澳洲名酒莊Torbreck Wines嘅Dave Powell開晒口早前話有意喺嗰度買地，但最後就畀唐唐截胡，搞到當地唔少人都有啲意外。報道仲分析唐唐對該地有興趣的原因，話莊園主人David Hayes因養名駒而聞名，估計喺香港都有養馬的唐唐同對方因此認識，仲話據聞唐唐個女都對養馬好有興趣，講到似層層咁款。
不過，唐唐發言人就矢口否認報道，強調完全無咁嘅事，仲話會去信南早跟進。據唐唐好友講，佢近排都因為老婆官司纏身，所以都暫時停止周遊列國，最近寧願留港陪朋友食吓飯傾吓偈喎，無聽聞過佢去澳洲買嘢。
