應耀康將會落腳競委會。(資料圖片)

財經事務及庫務局前常任秘書長(庫務)應耀康被視為官場其中一個叻人,之前喺財經事務及庫務局做「大內總管」工作,但佢舊年七月因要照顧患病家人,所以提出無限期休假。消息指佢理完家事後準備回巢政府嘅消息喺官場都傳咗一陣,但由於依家無常秘職位空缺,政府一直諗緊有乜空缺畀佢出任,最新消息話佢可能過檔競爭事務委員會(競委會)幫手。

應耀康將會落腳競委會。(資料圖片)

查實競委會上周舉行首次會議,競委會主席胡紅玉話初步要招聘五十人,其中總裁同高層會透過全球招聘,有人估計應耀康過檔競委會,好大機會係出任競委會嘅編外職位,而且可能屬於借調性質,一旦有常秘空缺就好大機會叫番佢返去喎!

政府發言人接受本報查詢時證實,應耀康會借調到競委會,又指呢個借調安排係屬於短暫安排,當競委會行政團隊履新後,相關工作會由行政團隊人員接手處理。

第一手消息請下載on.cc東方互動iPhone/iPad/Android/Windows Phone Apps