SUN搞作:Sun官場現形記:如何做「西人」?
早前,電視台播咗李漢奸同譚Sir辯論嘅節目,結果李漢奸被人窒到一戙都冇。喺電視上面無晒面子,仲唔即刻急召「盟友」淫賤黎求助,淫賤黎見李漢奸無晒信心,仲叫埋「西人」幫拖,務求令佢重拾雄風……
李漢奸︰我唔得喇,抬唔起頭喇……
西 人︰虧就去搵啲油搽吓,即刻回勇o架。
李漢奸︰唔係呢,明明我係個大狀,點解同人辯論都會輸……
西 人︰好簡單,因為你個人唔夠西……化!
李漢奸︰無可能,我除咗差個盾牌之外,明明就係「花旗國隊長」!
西 人︰你只係「花旗蟈隊長」,區區小蟲,何足言勇?
李漢奸︰咁我點先可以變做個名副其實嘅「西人」呢?
西 人︰其實唔難,因為你「水頭」都幾充足。
李漢奸︰我同淫賤黎無咩金錢來往,你咪亂講!
西 人︰我係話你周不時都出嚟抽水,再抽多啲就得o架喇!
李漢奸︰咁同做「西人」有咩關係?
西 人︰我咪就係人辦,教你咁耐,都係齋噏當秘笈!
李漢奸︰@##$%^&&**(
作者:李衞