政壇：搞搞政：冒牌方剛播美容界流料

政府因應DR醫學美容集團一事成立咗個委員會研究規管醫療同美容，但委員會內嘅美容業代表質疑政府同醫學界針對佢哋，集體退出以示不滿，令相關工作幾近停頓。最近就有手機訊息指方剛喺日前接獲政府回覆，除咗彩光之外，其他美容療程包括Peel、MYS、針清、Laser等全部都會被界定為醫療程序，需由執業醫生操作或授權執行，變相趕絕美容業界，令佢哋集體失業，呼籲大家搵埋家人朋友一齊簽名反對，仲要提供埋聯署人嘅身份證頭四個英文字母加數字添！

知情人士話，方剛冇收過所謂內幕消息，亦冇份策動聯署，就算搞聯署都唔會要人提供身份證號碼咁離譜，雖然方剛一直有幫開美容業界，但希望相關人士唔好屈佢，用番自己嘅名義堂堂正正搞嘢喎。