政壇：陳振彬帶挈曾偉雄贏錢
陳振彬（右二）愛駒「寶寶快車」爆冷跑出，與曾偉雄（右一）等老友高興拉頭馬。
沙田馬場尋日舉行主席賽馬日，警務處處長曾偉雄應馬會邀請，與甚少露面嘅太太十指緊扣入場。佢老友港區全國人大代表陳振彬（Bunny）匹愛駒「寶寶快車」喺「蒲偉士碟」賽事中，以四十九倍賠率爆冷跑出，帶挈曾偉雄齊齊拉頭馬兼一嘗捧「碟」滋味。曾自爆買咗二十元「位置」，扣除本金後贏咗二百二十元彩金，旨在「警民同樂」：「買二十蚊，夠唔夠健康呀？」
陳振彬（右二）愛駒「寶寶快車」爆冷跑出，與曾偉雄（右一）等老友高興拉頭馬。
佢話由於「寶寶快車」太冷門，唔敢買獨贏，所以小注怡情，Bunny坦言賽前練馬師分析都話勝出機會微，佢喺馬匹亮相圈睇完愛駒後，都返咗廂房繼續觀賽，點知愛駒獲幸運之神眷顧，Bunny於是拉埋身旁嘅曾偉雄落樓拉頭馬，唔知係咪開心得滯，曾「唔覺意」漏低咗嬌妻喺樓上添。
