SUN驚奇：租房前多告知業主
鳳樓的存在並不違法，但住客卻視鳳姐如過街老鼠，協助性工作者的團體指出，鳳姐租用單位時，一般都會獲業主默許，她們本身無意令大廈治安變差，盼住客遇到問題時可以提出，有商有量下解決問題。
協助性工作者的團體姐姐仔會發言人勵君表示，鳳姐只是自力更生，無必要「趕盡殺絕」：「佢哋（鳳姐）只係想做生意，搵餐飯食，唔係搵交嘈，一般姐姐仔都會同業主傾咗先，如果啲住戶真係接受唔到，佢哋都會搬走。」
勵君稱，鳳姐都明白業主不想大廈治安變差，但部分業主卻用怪招驅趕鳳姐，令她們難以接受：「有時啲業主真係做得好過分，試過有業主喺姐姐仔開門畀客人嘅時候，走埋嚟影相，即刻嚇走個客。」
