SUN驚奇：銅鑼灣名廈徵搭升降機錢
趕絕嫖客外，不少大廈業主立案法團管理大廈時，想出不少奇特措施，務求將不受歡迎人士逐出大廈，如會向商業訪客徵收搭升降機費，或者設賓館旅客人頭費。法團代表稱相關措施只想改善環境，方便居民。
銅鑼灣香港大廈在周末或假日，向訪客收取「搭升降機費」，香港大廈業主立案法團主席陳鴻僖表示，「以前一到假日，居民上落大廈，等升降機都要二十分鐘，依家規定商業訪客喺假期時要畀十蚊，情況先好咗。」
據悉在近期，該大廈進一步向入住大廈賓館的旅客每人收取一百元人頭費，如果三日後仍入住賓館，須另繳一百元。
措施實施時一度引起強烈爭議，但陳解釋大廈確有為難之處：「每日二百幾個旅客出入，都要用升降機或者大廈走廊，法團既要買第三保，電梯維修次數都多咗，收取嘅費用都係用嚟補貼額外開支。」
