SUN搞作：Sun官場現形記：「詠術」精湛
Sun官場現形記
貪湯近嚟畀全城圍插，搞到心情鬱悶，惟有約番啲海關舊同僚出嚟，游吓水，放鬆吓身心。以前喺游水比賽中，貪湯都係獨領風騷，有贏無輸，點知依家再游嗰陣，竟然輸畀啲舊同僚成幾條街，搞到貪湯一頭霧水……
Sun官場現形記
貪湯︰點解會咁o架？唔通係雞粥、咖喱食得太多，個人肥咗？
舊同僚︰其實……係你游得慢……
貪湯︰無可能，我嘅外號明明叫「飛魚」！
舊同僚︰你聽錯喇，你外號係叫「肥愚」……
貪湯︰你哋以前明明輸畀我。
舊同僚︰我哋係特登輸畀你o架！
貪湯︰無可能，你哋成日話要向我學習o架喎。
舊同僚︰係，我哋係話要向你學習。
貪湯︰咁仲唔係代表我「泳術」精湛？
舊同僚︰你又錯喇，係「詠術」精湛就真，你咁識擦內地高官鞋，做足「歌詠」功夫，唔跟你多多學習，點可以平步青雲啊？
貪湯︰@##$%^&**(&*(
作者：李衞
