政壇：政商定格：郭炳江夏佳理與眾「童」樂
郭炳江（後右）同夏佳理（後左）出席「創藝童樂樂」計劃啟動禮。
新地好鍾意搞藝術活動，今次就贊助香港藝術節主辦嘅「創藝童樂樂」計劃，新地主席兼董事總經理郭炳江話見到現場班小朋友，令佢諗起自己個孫，仲話小朋友都好享受藝術節表演，以後佢都會多啲帶個孫去藝術活動，培養佢哋嘅藝術氣質喎！
郭炳江（後右）同夏佳理（後左）出席「創藝童樂樂」計劃啟動禮。
呢個活動喺新地地標天際100觀景台搞啟動禮同藝術講座，由郭炳江同香港藝術節協會主席夏佳理主持，在場有近一百個小朋友。
夏佳理自退任港交所主席後就曝光率大降，不過可能冇以前咁辛苦，見佢精神好似仲好咗。佢話香港藝術節已有四十一年歷史，未來需要培育年輕一代對藝術嘅興趣同認識，所以同新地合作搞呢個全新嘅藝術教育計劃。
