政壇：政商定格：陳智思帶外賓中環睇舖

前日下晝近三點鐘，見到有「公職王」之稱嘅行政會議成員、亞洲金融集團總裁Bernard陳智思同兩名華籍及一名外籍男士，一齊由ifc步出，經行人天橋前往環球大廈商場。佢哋每行兩步就停低密密傾，Bernard儼如導遊咁，手口並用向身邊男士講解附近建築物同主要通道。接住佢哋搭電梯上環球商場二樓兜咗一圈，最後停喺一間吉舖外研究一番，莫非幾位男士有興趣投資舖位？抑或Bernard係業主想放租呢？最後一行人離開商場，乘搭升降機到環球大廈上面嘅公司寫字樓。