政壇：鍾國斌訪韓後也想「修皮」
鍾國斌早前帶隊去考察南韓紡織業。（受訪者提供）
話說立法會紡織及製衣界議員Felix鍾國斌早前牽頭成立「服裝發展委員會」，聲言要將深水埗打造成南韓東大門，所以上星期佢就帶隊去南韓考察當地紡織業，八月中仲可能去埋北韓添，認真有冒險精神。佢話南韓製衣業以效率見稱，唔少廠商二十四小時開工，由落單到提貨都只係三日搞掂，快香港好多，如果香港實施標準工時，只會更加比下去。
鍾國斌早前帶隊去考察南韓紡織業。（受訪者提供）
除考察當地企業外，佢話今次最大得着係發現南韓一街都係美女，個個樣貌標致清秀，但最慘個個都差唔多樣，證明韓國整容工業真係發達，仲話下次有機會都想去「修皮」喎！
