SUN搞作:Sun官場現形記:同鴨唔同命
Sun官場現形記
巨鴨出巡,熱爆全城。有「跛腳鴨」之稱的過氣特首「曾雀屎」眼見同樣都係鴨,諗極都唔明點解人哋咁受歡迎,自己就畀全城圍插,於是佢戴番頂賊仔帽,黑超及口罩,趁亂混入人群搵巨鴨問過究竟。
Sun官場現形記
貪曾:你認唔認得我呀?我係你同鄉喎!
巨鴨:咪認親認戚喎。
貪曾:大家都係鴨,點解你咁受歡迎呢?
巨鴨:我係藝術嘅化身,你係貪心嘅典範。
貪曾:唔通我真係一無是處?
巨鴨:咁又唔係嘅,你同我都有一樣共通點。
貪曾:(大喜)係咩呢?
巨鴨:你同我都係國際知名鴨,見報率都一樣咁高。
貪曾:呱呱呱!呱呱呱!
市民:阿Sir,就係呢條友喇,佢喺度自言自語成粒鐘,仲扮埋鴨叫添!令到周圍嘅人好不安,拉佢去驗吓啦!
作者:李衞