政壇：政商定格：廖成利言論一時一樣
廖成利
做政治人物，無論乜嘢立場都唔緊要，最忌係做政壇變色龍、立場搖擺不定。民協「老虎仔」廖成利政圈打滾咁多年，尋日就正正犯咗呢個錯誤，佢喺真普選論壇期間同人民力量譚香文激辯，之後老虎仔回應譚香文一句「剃人頭者，人亦剃之」，本來句話冇乜問題，點知在場人力支持者聽到好不滿，要求道歉。
廖成利
其實老虎仔深信自己冇錯，絕對可以企硬唔收番，點知唔夠五秒鐘佢已經褪軚，話收番自己嗰句「剃人頭者，人亦剃之」。正當人力支持者諗住「成功爭取」民協道歉後，老虎仔又嚟個反高潮，話雖然收番句說話，但仍然堅持自己所講係無錯。試問無錯又點解要收回言論呢，真係令人百思不得其解。
