設計圖片及對白

立法會嘅預算案拉布戰唔知點收科,而工程界議員WK盧偉國尋日自爆為咗開會,唔少本來應承咗出席嘅業界活動,最終都要推卻,惟有地點接近立會大樓嘅地方至敢去,最遠係灣仔會展中心。佢話就算去都係速去速回,趕喺要求點人數嘅鐘聲響起前返回座位。

設計圖片及對白

WK話每次去會展,都會花十幾分鐘快步行,回程亦如是,唔會坐車,事關會展一帶嘅交通咁擠塞,塞一塞車隨時耐過行路。呢場拉布戰影響到佢逢周三晚冇得入馬場撐愛駒,佢坦言已經預咗,但出席唔到學會、商會嘅講座同會議,佢就覺得有啲無奈。

再講,佢尋日入馬場為愛駒「京城三寶」打氣。初時「京城三寶」跑第三撻Q,但佢覺得愛駒係畀前面馬匹干擾先上唔到位。後來佢同練馬師商量後,決定向馬會抗議,最終上訴得直,愛駒由第三躍升第二,獎金由六萬多元「加碼」至十一萬八千多元,佢即時笑逐顏開。

第一手消息請下載on.cc東方互動iPhone/iPad/Android/Windows Phone Apps