SUN搞作：Sun官場現形記：畀啲耐性聽人講

立法會財政預算案拉布戰開打，幫主、長毛等人齊齊慢慢講，疲勞轟炸成班議員。一身好武功嘅元秋，本來諗住同隔籬黨嘅KK聯手反擊，點不知都抵擋唔住，仲要畀主席訓斥，令議事堂內成陣火羅味……

元秋︰耶，主席，唔好呀，唔好呀……

主席︰你唔好啲咩呀？

元秋︰唔好再畀幫主發言喇，佢講嘅嘢都唔關事！

幫主︰係囉！唔關你事，你有咩理由阻我發言？

主席︰根據議事規則……

幫主︰議事規則第幾條呀？

元秋︰搶搶搶，你為咩搶住講呢？我都未講完，聽我講，聽我講，聽我講！

主席︰夠喇！唔好淨係話自己未講完，唔該你都畀少少耐性，聽埋人哋講先喇！

元秋︰竟然話我？不過主席你今次真係要畀啲耐性聽我講，救人如救火，我暈喇，快啲救我……