SUN驚奇:泡泡染髮潮女灼爛頭

泡泡染髮劑當洗頭水般頻密使用,隨時攞命。風靡日台的泡泡染髮,近年登陸本港,但不少潮女為求秀髮更上色,竟染逾一小時,較產品指引規定長一倍時間,甚至當洗頭水般經常使用,有少女頭髮因此一撮撮掉落、灼傷頭皮流血結痂,情況慘不忍睹。皮膚科醫生警告,泡泡染髮劑含刺激致敏染料,過分使用會出現過敏皮膚炎,引起併發症更會導致死亡。

日本興起的泡泡染髮劑,只要將染色劑搓揉至起泡,塗上頭上即可,由於方便快捷,近年受香港潮界追捧,惟不少人沒有依照產品說明,即一般使用時間為三十分鐘的規定,自創新用法。有人在網上「扮專家」胡亂教路,「染得愈耐,效果愈好,最少染六十分鐘,最好用埋保鮮紙焗,用高溫風筒吹」。有網民照做後發覺「好傷髮」,更有女網民留言「啲頭髮一撮撮咁甩,好恐怖。」最嚴重者,莫過於台灣一名少女將染髮劑當洗頭水經常使用,兩年間脫髮如河童。

熱愛家中「大變髮」的初中生雯雯,早前使用泡泡染髮劑染足一小時,較說明的多出一倍,「諗住染耐啲,隻色出啲,點知頭髮變乾變『鞋』外,成個頭皮出現一點點嘅紅色,又流血,之後就結痂,雖然唔太痛,但就痕痕哋。」

頭屑多到似落雪

年約二十歲的阿Cat也在兩星期前自行泡泡染髮,但「都唔係想要嘅顏色,去髮廊補救,點知頭髮太傷,上唔到色,要等新頭髮長出嚟至得。依家頭屑多到好似落雪咁,大大塊咁跌落嚟!」

分別替雯雯及阿Cat理髮的髮型師阿Sue以及Frankie均指出,泡泡染髮不當傷頭髮及頭皮的個案,在近期屢見不鮮。阿Sue說﹕「呢一年都有幾個十零歲嘅女仔,因為唔識控制染髮時間而搞到頭皮損晒,我惟有建議佢哋去睇醫生。」

入行十三年的Frankie表示,在家自行泡泡染髮,往往疏忽其傷害性,「用泡泡染髮劑,好難令啲泡泡掂唔到頭皮,好多人唔識用,係咁用啲泡擦個頭皮,搞到好傷。」他表示,曾見過客人頭髮又旱又開叉打結,猶如禾稈草。「頭髮上唔到色,就知佢哋用咗泡泡染髮。」他表示,一般髮型師替客人染髮,會避免接觸頭皮,由髮尖染起,而且是先染髮後沖水,待頭髮頭皮上的油脂可以做到保護作用。

破壞皮膚保護層

「泡泡染髮劑嘅表面活性劑,主要製造泡沫效果,但同時會破壞皮膚髮絲油脂保護層,而染髮劑仲有唔少化學品,係引起皮膚敏感嘅致敏源,使用時絕對唔可以超出說明書嘅規定,更加唔可以日日染。」皮膚科專科醫生楊志強指出,染髮劑常用的染料化學品例如苯二胺(PPD),易引起皮膚敏感。

他補充,頭皮上有大量細菌真菌,當皮膚發炎出現傷口,細菌便會入侵毛囊發炎,形成一粒粒濃瘡。過去亦有個案因染髮劑引致細菌感染,引致敗血症等併發症,導致死亡。而在泡泡染髮期間,如用高溫風筒加熱,或用保鮮紙焗頭,除加快化學反應,更有機會令化學物變質,釋放更多毒素。此外,染髮有機會誘發靜止期脫髮,令三、四成頭髮同時脫落,建議小心使用,最好每隔一個月以上才染一次。

第一手消息請下載on.cc東方互動iPhone/iPad/Android/Windows Phone Apps

阮秀君

很多少女都會將秀髮染色。(設計圖片)

楊志強指泡泡染髮劑的表面活性劑,或會破壞皮膚髮絲油脂保護層。

Frankie表示,自行使用泡泡染髮劑,染髮劑易接觸到頭皮。

染髮步驟
混合染髮劑

揉搓至起泡

塗上髮等待

依足指示為妙
黃小姐(貿易從業員):試過喺屋企自己染髮,通常會染三十分鐘左右,會小心染,而且依足包裝指示,怕出錯傷害頭皮。

吳小姐(啤酒推銷員):染髮劑通常指示染二十至二十五分鐘,但我為咗上色啲,會染超過三十分鐘,頭皮會『乸』啲,過兩、三日先無事。