SUN搞作：網絡小說：尊老會之情何以堪

上集講到，牙骹哥正要從腎爺手中接過龍頭棍，豈料一聲千里傳音響徹整間火鍋店。

「區區小事，也配得龍頭棍？我拎就差唔多！」這句話雖語帶不屑，卻又有幾分嫉妒。眾人回眸一看，只見一男子立於店首外，破爛牛仔褲配襯白色小背心、面上一撮欷歔鬚根，均似在訴說着無數愛情故事，不過最搶眼還是他頭頂鮮綠色帽子，彷彿是黑夜中的明燈，要向世人證明自己的存在。

「你邊位呀？敢阻住尊老會選龍頭？」樂富情聖Kris哥不改囂張，轉過頭又溫柔地「鬧bb」。門外男子睥睨Kris哥，說︰「行不改名，坐不改姓，九流陸帽鳴是也！」

腎爺見半途殺出個程咬金，本想使出「打妻棍法」，驅逐好事之徒，詎料昨夜睇波之時，忍唔住叫出聲，結果遭老婆猛力敲打頭顱，莫說要耍棍，現在連頭也抬不起來，只好厚面皮地說句︰「我哋從來都係講普選嘅，陸帽鳴，你講吓你啲尊重史先喇！」

「喺講之前，我想大家聽咗一個故事先。」陸帽鳴凝望黃黃的燈泡，時間又再一次回到過去……「咦，點解你條牛仔褲有咁大個窿嘅？而且仲唔剃鬚添？」少女開口問陸帽鳴，陸帽鳴雙頰轉紅，猶如重棗，靦腆地說︰「呢啲係fashion，你識咩？」尷尬的提問打開了話題，二人愈談就愈親密，襯衫返工、互耍嘴皮子，甚至大玩「搔格拉底」，看得羨煞旁人。

「咁最後？」腎爺一句提問，驚醒了沉浸於回憶之中的陸帽鳴。陸帽鳴搖搖頭，「唔通你另一半已經……節哀順變，喊出嚟會舒服啲。」腎爺拍拍其膊頭安慰道，心想︰「難怪凍成咁都要着背心，原來係掛着以前玩嘅『搔格拉底』。」

遽然間，陸帽鳴仰天痛哭︰「嗚！嗚！點解，點解要背住我同其他男人玩『搔格拉底』？但我唔捨得唔要你呀！」火鍋店內眾人猛然醒覺，並以同情眼光，把龍頭棍贈予陸帽鳴……

陸帽鳴