SUN搞作:打橫嚟講:高永文又喊一場?

十年前,由大陸人帶禽流感病毒傳來香港,令此殺人「絕症病毒」,命名「香港沙士」。

十年過去矣!香港的醫管局有何得着?有何教訓?從而改良香港醫療政策?

近期的新流感病毒,在中國大陸肆虐橫行,日漸擴散時,看着香港醫管局一群庸官廢柴,每天依仗(或慌怕)內地的口諭,而不敢及沒有自主敢言的「講真話」、「做實事」,淨係只懂說「沒有人傳人」,之後,就乜都無做,好似齋坐喺度等死咁,等有「人傳人」先至做嘢!

嗱!台灣一早已不准任何一個大陸旅客去佢哋嘅農場「參觀」;日本也正忙於研究上海華東的流感病因,有所防範,但香港食衞局嘅高永文卻連活雞輸港也沒任何政策改動,只呆等阿爺傳令,方動手做嘢?

十年前,高永文被電台主持日鬧夜鬧,鬧到淚灑人前,曾博得大眾憐憫同情,今天,無咗大聲公追罵,就翹埋手做大陸的傳聲筒,話之佢病毒已由上海傳上北京,香港亦有「疑似個案」,總之,一切「扮正常」,不能有任何「疫埠」、「封關」、「封港」的迹象。等「賴嘢」、「斷正」、「有人冧咗」至算!

日前,有香港醫護人員爆料,說香港的公立醫院「病床不足」、「人手短缺」、「士氣低落」、「醫生護士大量流失」、「醫療政策失當」、「醫療體系一敗塗地」……

若明天,本港揭發有人中招,仲係「人傳人」嘅疫症,你高永文又企喺鏡頭前死狗咁喊,咱們香港人仲會可憐你嗎?(目及)實啦!唔該!

彭志銘

次文化考古學家,對城中潮語有深入研究,博徵博引,廢官廢人行埋一邊。

歡迎add我facebook一齊(目及)實政府

第一手消息請下載on.cc東方互動iPhone/iPad/Android/Windows Phone Apps