SUN搞作：Sun官場現形記：最佳演員

畀人踢爆演技非同凡響嘅貪曾雀屎，人前人後都咁好戲。最近佢個仔畀人踢爆咗通街擒女，仲要買罐汽水，都要女仔畀錢，真係核突囉！李衞今日就深入敵後，帶大家認識咩叫「有其父必有其子」！

貪曾：影到豹紋又點？人哋喊住問路，阿仔有同情心幫佢抹眼淚咋！

明明：但係攬住嘴對嘴喎！

貪曾：人哋嘔，又咁啱無紙巾，阿仔幫人「土法除穢」咋！

明明：呢排風頭火勢，家醜不出外傳呀。

貪曾：我哋全家不嬲互助互愛，你定啲嚟啦！

明明：你啲「蘇州屎」好似累街坊喎！

貪曾：我淨係聽過「蘇州過後無艇搭」啫！

明明：你個「爛攤子」仲未畀錢喎！

貪曾：邊度嚟爛攤子？我放咗隻船「起錨」咋喎？

明明：你個仔買汽水唔畀錢，仲唔係「爛攤子」？