政壇：政商定格：丁毓珠無懼戰雲照訪韓

朝鮮半島戰雲密布，但家族經營幼稚園嘅東區區議會前主席丁毓珠二話不說，上周三同一眾學生、家長及師生等逾二百人同遊首爾，來個五日四夜親子樂。抵達首爾後，市面氣氛好熱鬧，遊客處處，當地人生活如常，絲毫無意撤離。睇見呢幕，團友個心定晒，珠姐籌劃晒節目，先到訪著名嘅梨花女子大學，再參觀泡菜製作，又畀學生試穿韓服，最後到訪埋農場，體驗揸牛奶同炮製燒餅，行程緊密，乜嘢打仗威脅都忘記晒。眾人又拉隊品嘗馳名人參雞湯，有份安排行程嘅康泰旅行社太子爺黃進達仲親自探班。