政壇：搞搞政：大輝玩直選一腳踏兩船

喺年初加入沙田地區政團公民力量（公記）後，大家都以為廠商會立法會代表林大輝泊到個好碼頭，但原來公記只係佢嘅中途站。佢話至今仍願意同任何政黨合作，而佢認為同富貴黨嘅理念最相近，亦好欣賞身為商界嘅田北俊可以瞓身地區工作，所以周不時都會同田少傾吓偈，因為大家都係商界出身，又對直選有興趣，各方面都好相近。嘩，就咁聽佢講，唔通佢同富貴黨好事近？

有富貴黨消息話田少做埋今屆後，年紀都唔細，會否競逐連任都唔知，而該黨同大輝經過特首選舉後，大家都有「共同目標」，所以合作機會絕對唔細，但喺選舉前夕先合作都未遲喎。