政壇：袁國勇被投訴鬧學生遲到

港大醫學院微生物學系主任袁國勇尋日同一班中學生探討「熱誠關愛」，佢話香港依家包容少咗，郁啲就走去投訴人，連佢教書鬧學生，都竟然被學生投訴。原來近年醫科生遲到情況多咗，唔少人遲到十五分鐘，仲有啲學生會遲多過半個鐘添，佢忍唔住就話吓班學生，點知無耐就收到醫學院通知，話收到學生投訴，問佢點解要鬧學生呢？認真荒謬。