SUN搞作：打橫嚟講：大陸豬瘟流感的「內幕」？

兇猛殺人的流感，在浙江上海一帶擴散前，黃浦江流域突然漂浮的過千具死豬屍，至今，中央官方仍不聞不問不回應，低調地河蟹得像個黑洞的謎團。

有關「豬浮記」的真相，江湖傳聞有段古嘅：話說中央十分關顧農民禽畜戶，知佢哋搵朝唔得晚，所以，中央有政策，規定若豬農圂養的豬隻，有乜冬瓜豆腐忽然die咗，政府會有恩恤津貼，派人來「收屍」，並發恤金，大豬每隻八十元，中豬五十，細豬三十，咁做，本意係免掉「死豬肉」流入食肆，傷害百姓健康，而豬農亦毋須擔怕「血本無歸」。

一個良好意願的政策，在一個喪心病狂的國度裏，一切都會由好事變壞事的！

中央的指令，由上下放時，出面向豬農收屍的「中間人」，不特止無派補貼金給豬農，反而要向豬農另收「收殮費」，大豬屍八十，中豬五十、小豬三十；若豬農不依「規矩」辦事，「中間人」就會報告「上頭」，指證豬場「發豬瘟」，拉人封艇，故豬農一般都為息事寧人，而花錢買覺瞓。

那些「中間人」便打正旗號兩邊收錢外，死豬屍如何處置呢？天知曉了！但，喺呢個賤事做盡的強國裏，怎會白白放棄揾銀的機會吖？所以，大陸內地已瘋傳一個訊息，叫大家今年端午節千祈咪食有豬肉餡的糉矣！請小心！

至於點解會有咁多死豬浮屍喺黃浦江呢？據說，除豬農揭發被「中間人」剝削之不滿外，也因有人藉豬瘟而製造「政治事件」，令新班子失態……

嗱！先旨聲明，上述全是道聽塗說，最好有傳媒去查一查……

彭志銘

次文化考古學家，對城中潮語有深入研究，博徵博引，廢官廢人行埋一邊。

歡迎add我facebook一齊（目及）實政府