政壇：政商定格：李文斌北上靠兩寶防疫

尋日見到理文造紙董事總經理Edmond李文斌同父母、哥哥Norman李文恩入馬場，兩兄弟各有愛駒出賽，最終Norman名下嘅「包裝博士」後來居上捧走獎盃，Edmond開心到跳起。

內地多個省市H7N9禽流感肆虐，Edmond經常要上東莞公幹嘅佢坦言頗擔心疫情，為咗工作惟有頂硬上，隨身袋定消毒潔手液及口罩。不過佢話最重要係小心飲食，佢話內地經常以攪碎豬肉冒充牛肉同羊肉，佢一定唔會幫襯街頭串燒，寧願食多啲菜當減肥。

轉頭見到冠軍科技集團主席Paul簡文樂，問佢點樣預防疫症？佢笑言禽流感唔關佢事，皆因佢係茹素喎，仲話茹素令佢更年輕。