SUN搞作：Sun官場現形記：世界大戰，錢作怪！

朝鮮同花旗國嘅關係愈嚟愈緊張，朝鮮仲勸其他國家嘅領使撤離平壤，唔通真係會爆發「第三次世界大戰」？究竟點解兩國會搞到咁僵，李衞八到，原來同兩位領導人小黑子同小恩子，喺一次對話中談及人類起源有關……

小黑子︰人類祖先阿當與夏娃，嗰種反抗精神，充分表現出花旗國所追求嘅自由！

小恩子︰唔好亂講，佢兩位係充分表現出朝鮮人民衣不蔽體嘅慘況就真！

小黑子︰分享手上嘅蘋果，嗰種象徵花旗國無私嘅大愛，真係令人好感動！

小恩子︰你成日帶頭搞制裁，搞到我哋無啖好食，連蘋果都要上繳，呢種明明係我哋「主體思想」。

小黑子︰搞制裁係因為你成日射飛彈、搞核試，why？why？tell me why？世界和平唔好咩？

小恩子︰世界和平當然好，但得你哋好，我唔好囉！朝鮮明明無石油……

小黑子︰你成日威脅我國喺嗰邊嘅「提款機」，如果你唔搞核武，可以慳番整飛彈嗰幾廿億，咁咪好囉！

小恩子︰整就話要幾廿億，但可以用嚟講吓數，拎吓着數……

小黑子︰哦，明晒！咁我試吓叫聯合國放寬經濟制裁。

小恩子︰唔係呢，我老婆個「迪柯」袋好貴，你哋最叻壟斷收購……咁你明喇！

小黑子︰即係點？

小恩子︰咁你都唔明，我整咁多核彈，你估真係想打仗咩，係想叫你收購！最多我抵諗啲，買三送一喇！

小黑子︰@@###$$%%%