H7N9禽流感同新沙士兩股疫潮夾擊，食物及衞生局局長高永文忙到有氣無碇抖，尋日佢出席一個活動時，竟然自爆曾有兩次染病經歷，雖然只係小毛病，但高醫生真係要小心兼保重呀！
高永文昨早出席一個宣傳高血壓嘅嘉年華時，大爆自己都係高血壓患者，每日都要量血壓同定期食藥，但佢強調自己病情唔算好嚴重。之後佢又出席另一個宣傳大腸癌活動，今次再爆喺○七年照大腸鏡時，發現有瘜肉，隨即做咗切除手術，隔咗咁耐都係時候再去檢查。