City Parade：春日香氣
香水好比女人衣櫃內嘅新衫，每季都要有驚喜。隨心情而變，時而淡雅高貴，時而野性誘人，令男士猜不通，摸不透。一個國際經典美容品牌率先迎春日推出新香薰，早前喺中環ifc舉行香噴噴派對，城中美女奉旨做「香香公主」。另一邊廂，雲集潮州富商嘅海外潮人企業家協會，眨眼十二歲生日，揀喺金鐘一間酒店舉行新一屆會董就職禮，號召一眾「家己冷」舉杯慶祝。
由心而發
有愛情滋潤嘅名模熊黛林，燦爛笑容散發甜美。
海外潮協就職禮
大展拳腳
離婚後嘅商人劉坤銘（左）繼續於商界大展拳腳，旁為汕頭市歸國華僑聯合會主席謝惠蓉（中）及協會顧問林赤有。
潮食粉絲
前潮屬社團總會主席許學之（右）與迦南集團主席方平最愛家鄉潮式美食。
恭喜主席
冠忠巴士集團董事鄭敬凱（中）榮升海外潮協主席，廣東社團總會主席王國強 （右）及潮州商會會長周振基爭住恭喜佢。
啱晒嘴形
呢班「潮人生力軍」好啱傾。左起胡炎松、陳德寧、章曼琪、林淑怡、林曉盈及倪以理。
香噴噴派對
各具美態
女人韻味各不同，看名模黃佩霞（左起）、周汶錡及馬詩慧各自散發的美態，便是最佳例證。
潮爆禮物
恒地營業部副總經理鄧鳳賢難忘生日時朋友送了一支Lady Ga Ga香水，樽身及香水都係黑色，潮爆。
優雅淑女
前教育局長政治助理楊哲安太太張燊悅鍾情優雅香氣，貫徹淑女風範。