SUN搞作：Sun官場現形記：傻佬兄弟

香城有啲膠官，得閒就圍埋傾偈，佢哋似乎好鍾意互相畀下意見，交（膠）流吓處事心法。近排香城風頭火勢，呢邊疫症攻港、嗰邊就叫聲拆天，李衞今日就打聽到兩位膠官「好有童真」嘅對話……

作者：李衞

永文：面對工人，你要實事求是，低調斡旋。

永興：老哥你面對疫症，都唔洗咁緊張嘅，依家仲係「懷疑」感染，即係仲未有事！

永文：凡事唔使太過着緊，就好似工人要同你見面，但又太着重於形式，會面就無法展開啦。

永興：雖然話唔使太着緊，你都要呼籲一下，等香城人有心理準備，咁咪係防患於未然嘅奧妙囉。

永文：你都幾識應變喎，唔怪得可以幫人搵工啦！相信鼓勵工人重新就業都難你唔到嘅。

永興：依家門常開成日都強調「融合」，處理疫症上，你都要學習包容北大人，嘗試融合！

永文：其實我都幾羨慕你，唔使蚹蛤蟈蜻，只需要貼住一面牆，睇牆紙顏色辦事。

永興：唔使羨慕，面對疫症，你都只係需要同市民講你日日都食乳鴿咪得囉！